Defnyddiwch eich sgiliau er budd cymunedol
Rydym yn chwilio am Trysorydd Anrhydeddus i helpu i lunio a chefnogi ein gwaith ledled Ynys Môn. Mae'r rol hyn yn cynnig cyfle i wneud cyfraniad ystyrlon at ddyfodol ein cymunedau drwy arwain cyfeiriad strategol y sefydliad a helpu i sicrhau bod ein hadnoddau'n cael eu rheoli'n gyfrifol er mwyn cael effaith barhaol.
-
Rydym yn chwilio am Drysorydd Anrhydeddus profiadol i ddarparu goruchwyliaeth ariannol broffesiynol a sicrwydd i Fwrdd yr Ymddiriedolwyr. Mae hon yn rôl gynghori â thâl, ar wahân i gorff yr ymddiriedolwyr, yn canolbwyntio ar risg, llywodraethu a chynaliadwyedd ariannol hirdymor, gan helpu i sicrhau bod adnoddau'r sefydliad yn cael eu rheoli'n gyfrifol er budd cymunedau ledled Ynys Môn, nawr ac am genedlaethau i ddod.
Mae'n rôl strategol sy'n addas i rywun sydd â phrofiad ariannol uwch sydd â chymhelliant i gymhwyso ei arbenigedd i gefnogi budd cymunedol hirdymor.
Lawrlwythwch y pecyn cais neu ebostiwch post@elusennol.org am ragor o fanylion.
Dyddiad cau: 21.00 06 Ebrill, 2026
Allwch chi helpu? Ymgeisiwch fel Ymddiriedolwr!
Rydym yn croesawu Mynegiadau o Ddiddordeb yn barhaus gan unigolion sydd â diddordeb mewn ymuno â’n Bwrdd Ymddiriedolwyr a helpu i arwain ein gwaith a llunio dyfodol y gronfa.
Mae ein hymddiriedolwyr yn chwarae rhan hanfodol wrth benderfynu i ble mae ein harian yn mynd, sut rydym yn cefnogi cymunedau, a sut rydym yn amddiffyn y gronfa ar gyfer y dyfodol. Mae hon yn rôl lywodraethu ymarferol - mae ymddiriedolwyr hefyd yn helpu i asesu a sgorio ceisiadau am grantiau, gan ddod â'u profiad a'u mewnwelediad i'n penderfyniadau ariannu.
Yr hyn rydym yn chwilio amdano:
Rydym eisiau pobl sy'n angerddol am Ynys Môn ac sy'n barod i gymryd rhan mewn llunio ei dyfodol. Gallech ddod â:
- Sgiliau mewn meysydd fel cyllid, y gyfraith, llywodraethu, datblygu cymunedol, neu godi arian.
- Profiad byw o'r heriau a'r cyfleoedd sy'n wynebu cymunedau ein hynys.
- Ymrwymiad i degwch, tryloywder, a gwneud penderfyniadau annibynnol.
Nid oes angen i chi fod wedi bod yn ymddiriedolwr o'r blaen - darperir hyfforddiant a chefnogaeth.
Rydym yn croesawu ceisiadau o bob cefndir ac eisiau i'n bwrdd adlewyrchu amrywiaeth yr ynys.
Ymrwymiad:
- Tua chwe chyfarfod y flwyddyn (cymysgedd o gyfarfodydd wyneb yn wyneb ac ar-lein), pob un yn para 2–3 awr.
- Adolygu papurau ac asesu ceisiadau am gyllid ymlaen llaw (tua 8–10 awr y mis, yn dibynnu ar nifer y ceisiadau a dderbynnir)
- Ymweliadau achlysurol â phrosiectau a ariennir neu gyfarfodydd cymunedol
Pam ymuno â ni?
- Dylanwadu ar sut mae cyllid yn cael ei fuddsoddi yn Ynys Môn
- Dysgu am lywodraethu, rhoi grantiau, a blaenoriaethau cymunedol
- Gweithio ochr yn ochr â phobl sydd â brwdfrydedd cyffredin dros ddyfodol ein hynys
- Gwneud penderfyniadau sydd â effaith uniongyrchol, gadarnhaol ar bobl leol.
Sut i fynegi diddordeb
Os oes gennych ddiddordeb mewn ymuno â’n Bwrdd Ymddiriedolwyr, anfonwch CV a/neu lythyr eglurhaol byr atom yn amlinellu:
Pam yr hoffech fod yn ymddiriedolwr
Pa sgiliau, profiad neu safbwyntiau y byddech yn eu cynnig
Unrhyw wybodaeth arall yr ydych yn teimlo sy’n berthnasol
E-bostiwch: post@elusennol.org
Mae Mynegiadau o Ddiddordeb yn cael eu derbyn ar sail barhaus, ac nid oes dyddiad cau penodol. Byddwn yn cysylltu pan fydd cyfleoedd priodol ar gael.
Am ragor o wybodaeth am y rôl, gallwch lawrlwytho’r Disgrifiad Swydd a Manyleb Person,.